موقع علاء السيد... طباعة
<<<< >>>>

مين بيعلم الدب؟...

من زمان
كان في ملك متجبر روح قلبه يتسلى بالعباد

وكل ما كان يديق خلقه كان يخترعلن (سلبة من سلباتو)ليتسلى فيهن ويفش خلقه

ومرة خطر بباله فكرة مجنونة
وهي أنو كان عنده (دب)وعمل مسابقة وجائزة للي بيقدر يعلمه القراءة والكتابة

وشروط المسابقة هي:
1-الي بيقدر يعلم الدب بياخد نص ممتلكات الملك
2-الي بيجرب وما بينجح بينقطع راسو

وبلشت هالعالم تتوافد عالقصر وللأسف كترت الروس المقطوعة

ومرة كان أعرابي مارر من جنب القصر وسمع بالقصة وقال
أنا بقدر علم الدب يقرا ويكتب هي شغلة بسيطة


قالو له يا مجنون بكرة بينقطع راسك

قالن بكرة منشوف!!!!!

وفات لعند الملك وقله أنا مستعد علملك الدب القراءة والكتابة
تعجب الملك وقله أنت بتعرف شروط المسابقة

قله الأعرابي طبعا

قله الملك أديش بدو ليتعلم ؟؟؟
قال الأعرابي بدو أربعين سنة

قال الملك أعطوه غرفة ومأكل وملبس وكلشي بيطلبه لحتى يخلص

أجا رفيق الأعرابي وقلهشلون بدك تعلم دببببب يقرا ويكتب

قال الأعرابي بكل بساطة

أيه من هوووووووون لأربعين سنة يابموت أنا يابيموت الملك يابيموت الدب

أضيفت في:11-12-2009... افرح و اضحك> الضحكة بركة
.... إذا وجدت أن الموضوع مفيد لك، أرجو منك دعم الموقع

 

 

© جميع الحقوق محفوظة.. موقع علاء السيد